someday this morning would be just a memory

Sunday, September 18, 2005

مسلسل عربي قديم
"يا بنتي احنا حنلاقي فين احسن منة وبعدين احنا بنشتري راجل "
البنت : يابابا حرام عليك دا اكبر منك
الوالد : ومالة لما يكون اكبر مني …اوعي يا بنت يكون الواد الصايع اياة لعب في دماغك
البنت : لا يابابا انا مش عايزاهم هما الأثنين ,انا عايزة واحد يعرف قيمتي ويحفظ كرامتي ويعيشني مرفوعة الرأس بين صاحباتي
الوالد : عشان كدة اختارتة ليكي ,يا بنتي دة راجل قيمة ومركز وعارف الدنيا ماشية ازاي وبعدين اللي نعرفة احسن من اللي مانعرفوش
البنت : انت ماشفتش عمل اية في مراتة الأولانية اللي اتجوزها 24سنة ,دة بهدلها وكسر كرامتها وخرب بيتها وماخلاش فيها حتة سليمة بعد ما كانت
اجمل بنت في المنطقة .كفاية انة بعد ماكترت ديونة باعها لأمراء سعوديين وخواجات اسرائيليين
الوالد : يا بنتي برضة نديلة فرصة تانية وانا متأكد ان المرة دي هتبقي غير المرة اللي فاتت
البنت : لا يا بابا ارجوك بلاش
الوالد : بصي بقي انت هتتجوزية يعني هتتجوزية انا اديتة كلمتي خلاص


والي لقاء في الحلقة القادمة

0 Comments:

Post a Comment

<< Home